首先，Sorry呀咁多位曾經路過嘅讀者～因爲電腦壞咗+公務繁忙+本人有啲懶(主因)，所以一直都無update!但唔緊要嘅，只要我有record到嘅月份我都會打返出嚟俾各位迷途小羊參考返！大家嘅留言我都有睇架！但因為太耐無update我唔好意思覆，我一陣會覆返(⁎⁍̴̛ᴗ⁍̴̛⁎)
話說最開初牙醫話兩年會KO，但因為中間發生過太多事情(例如遲左起身唔記得去覆診N次然後無限延期到下個月又下個月+我撞過嘅門牙移動時非常痛要愚公移山型郁佢+阿姐我年事已高)，所以，今日響三年又三個月，我終於都拆佢(我)老__箍啦！但拆箍只是另一惡夢嘅開端，因為牙醫要求我帶住那個會令你好困擾嘅固定器一年，係24hr*7，食飯都無得除(¬_¬)點困擾法？我依家連自己個名都講唔到。
又係時候去相啦！係最後一張鋼閘相:D
終於都live啦哇哈哈哈哈哈!
響幾日前我又唔知點樣咬爛左左下既鐵圈 蝦蝦
好彩佢今次爛既位夠奇怪，響牙縫度，
我都免強可以捱到consult既日子…
我成日都甩呢樣爛個樣，
如果醫生要續樣計返我錢我都唔知點好？
係架，有d牙醫係會收返錢架，
我之前打去心儀既醫生問問題時，
有個別醫生會收返$200/粒咁。
所以如果大家做research時要注意一下。
今次右邊既犬齒仲有一條頭髮既罅隙 :so sad:
醫生話唔緊要 我地仲有好多時間
要做足先move去下一個stage喎…
所以下次consult先會拆彈弓同洗牙 :(
雖然我係好想快D完成，但我更想靚!
所以最後今次都係例排動作：
換橡筋同拉緊wire~
埋黎睇睇介紹返：
(只不過係差少少少少……之嘛)
(個隻牙既牙罅越黎越大喇！)
(下排牙比之前show多左好多！無咁哨喇！
不過發現下邊牙肉一直都有少少紫黑..唔通瘀左？)
是咁的，本人好懶，所以隔咁耐都無update過，(因為見好似無乜人睇)
但相就有個個月keep住影，見住d牙仔既走動覺得好神奇，
究竟係邊個發明呢樣咁偉大既野，
可以計得咁精準將d牙去到牙醫想去既位呢？
(好，我已經問左google神，佢俾左wiki既答案我喇。)
箍左呢大半年，見住d牙越黎越齊，
醫生調校時都越黎越唔痛，(如果有新野搞除外)
食野方面，由以前一啖食物一啖水，
發展到成口都可以卡住食物唔理繼續食，蝦蝦！
飛滋問題就直頭習慣晒!
開頭上箍個口唔習慣有異物，成日刮到成口飛滋
頭一個月已經用左半盒wax喇！
之後個口習慣左，又或者刮到生晒”jum” XDD
都無再生過咁濟！係之前犬齒移位時都有刮到下生左d飛滋囉~
人呢，真係能屈能伸，好勁呀！(痴線。)
快D打返11月後既post先~
哇終於都追到6月喇，真係好感動 嗚嗚…
唔通我d牙真係郁得好快？
明明上次講我既進度只係普普通通，
但今次consult醫生話我進度好快!
d牙移動既位置好理想~ 真係聽到都覺得開心!
仲話睇下下次可唔可以拆左上排既彈弓，
然後俾我洗一洗牙，再之後就將所有牙痴粒粒。
(咁即係話又要重新適應同生飛滋同”木”咀)
記憶中呢個stage係大概1年到先做既，
咁我依家個進度真係快左~唔知有無機會年半完成呢？
不過之前醫生又講過話撞過既門牙要移動得好慢先唔痛…
但又咁喎，因為犬齒推走左，4隻門牙無左咁迫，
佢地響無痴粒粒既情況下仲自己走位，
多左D空位之後，即使條彈弓壓住都唔再痛嚕~
哎也 希望你地生生性性啦！
去啦！比卡超！：
(相中左犬齒已經埋站喇！右邊仲差少少，加油啊！)
(彈弓已經推到有2個好大既罅，完全夠位痴粒粒喇！)
今次覆診我問左一個我想問好耐既問題：
醫生，我想問照我依家既進度，叫做快、普通、定慢？
醫生話：同大部份人比算普通囉，不過以成年人黎講算快架喇，
好多成年人牙齒一個月都未必有肉眼睇到既移動，唔好咁心急啦！
咁即係快定普通？
雖然箍牙帶俾我既影響已經比初初小左好多
但係近日覺得自己箍牙好醜 嗚呀…
尤其依家上排d牙越黎越多罅 d罅又越黎越大
這麼醜的女.jpg
今日醫生幫我將所有”toothing”轉做彈弓
上排左右各加左1小段彈弓，
而下排之前仲未有位黏粒粒既門牙都加左彈弓
作用都係加大力度推快d同推大d個罅。
醫生一路整一路話：
之前講過話用彈弓移動d牙唔會好痛，
但又可以好快移到理想位置，
係咪無呃你先？從來都無聽講過話你痛既，
除左上次校緊左壓到你門牙就另計啦，撞過嘛，
所以我知你上次應該真係好痛喇…
……定係你一直都有痛無話我知？(lol)
呢個醜陋既彈弓真係可以無痛地將d牙移到理想位置，
而且每半個月睇返都有明顯既移動，醜就醜吧。
之前有問過醫生點解唔係用橡筋拉而用彈弓，
因為當時凝住彈弓喎，好大力喎，好痛喎，咁，
醫生話橡筋對成年人黎講唔夠力同成效唔理想，
簡單d講，推既力永遠大過拉既力，
彈弓可以無痛地快速移動，叫我信佢啦唔痛架咁。
仲有醫生話差唔多時間要洗牙喇，下次話我知幾時喎~
今個月consult後唔記得左影相…-_-
以下係08/05影既, 以上所講既改動與下圖不符
唔緊要啦，都係想睇返d牙既movement o者!
去相：
(唔知點解呢個月d牙郁得好快!)
(但係下排牙好似好慢…可能無乜罅俾佢移動掛？)
或者開始進入適應期喇！
近呢幾次既調整我都無話特別有酸痛既感覺，
食物方面唔再需要叫媽媽特別整d老人餐俾我”妹”，
亦都唔需要一啖水送一啖飯，蘋果呀骨呀硬既照咬！
當然仍然無以前食得咁快，因為成日成口都卡住食物，
黏性食物如糯米，一條條好幼如金菇，好多纖維如粟米，
等等..既食物係會令我抓狂，
有時卡住左，又長又咬唔到，仲試過o肯親… (弱智架?)
d牙仔既移動會令口腔唔適應繼而又再生飛滋，
不過依家我多數都唔理，通常3日內自己會好返。
但每次調整完都有一定既不適感既，
我都會襯”黃金三小時”內快D食多D野，
之後就會開始又軟又痺….><
又過幾個鐘後到食飯時間，D牙仔就差唔多適應，食野無難度!
(呢個算唔算箍牙小心得？)
不過，痛都有痛既好處既，
每一次痛就代表d牙郁緊，咁我就會好開心~
但依家唔多痛既情況，我有d想叫醫生可唔可以加速呀？
交返俾一廠既同事去相：
(個2隻犬齒有明顯移動喇! 有罅喇 :D )
(下排好似無乜點變，但細心留意門牙越黎越遠離中線…)
上次因為自己戇居整斷左wire搵醫生而意外地提早consultation,
所以今次都無乜點搞，連橡筋都無換，只係拉緊返條wire咋
雖然只不過拉緊條wire，竟然令我半日內又再搵返醫生。 (佢心唸你係咪玩野)
醫生拉wire拉緊到岩岩貼住門牙，但由於我細個撞過黎，
所以我連呢一種輕微壓迫都承受唔到，好痛好痛！
個種痛同拉緊左既痛係唔同，呢種痛我覺得好唔尋常，
我門牙乜都無搞過又無上粒粒點會痛o者…
我都叫做好頂得痛既人，頂左半日最後我真係好頂唔緊先搵返醫生…
bb時期岩岩學行，我隻手指尾攝左入門較位而咁岩有人關門
我成塊手指甲都甩左但作為當時bb既我都只不過”丫”左一聲。
(來源由媽媽提供)
醫生話佢知道我門牙撞過，所以拉緊時都已經就住力度，
佢話佢只係拉到岩岩貼住，其實其他人佢會再拉緊D，
但無唸過輕輕貼住都會令我咁痛！
佢話有d擔心之後門牙貼粒粒時點算喎…
因為施力比依家大好多倍，進度會影響就梗啦
最怕係完成唔到個療程(唔係下嘛。_。)
佢又唸唸下之後話：唔緊要啦，我盡量輕手同remark返先，
但可能要多好多時間喇…到時先再唸唸啦！
當初決定揀傳統仲要鐵而唔揀透明牙套既原因，
除左平D之外，就係想用最小錢最小時間達到最好效果
(透明牙套係用電腦模擬牙齒移動位置，箍完實質得7-8成
然後又要加錢加箍加多個treatment，
又或者轉用傳統箍箍多幾個月至半年達到理想效果
又要更多錢同更多時間完成。)
我唔怕個過程醜，我只想要最快時間達到理想效果！
不過依家聽完都有D擔心… :(
醫生，幾慢都好一定唔好放棄我啊嗚呀…
去相時間：
應該同之前無乜大分別。
話說早幾日自己勁手多搞斷咗左下的wire尾，
由一個小勾變成一條好利嘅wire，
拮到我個嘴角就嚟爛 D:
又適逢新年呀醫生未開爐，捱咗幾日終於今日見到醫生！(哭)
一心唸住只係換條wire，最多咪順便拉緊一下，
點知醫生話我上排虎牙郁得好好，
所以今日咁得閒就做埋下次覆診嘅嘢！
唔係嘛？我唔心急架醫生！
醫生幫我響左面上排最尾隻大牙加多個鐵圈，
目的增加supportive（因為佢想再拉緊多啲)，
然後將上排的主wire拉到最尾，
再用幼wire將最尾個鐵圈,主Wire,尾二個鐵圈扭呀扭緊佢，
好難解釋但總之佢地三個被幼wire糾纏當中。
當然又順個便換哂啲橡筋佢啦。
醫生，你對我嘅牙都好有野心喎。
然後下排大牙就換返之前食雞翼咬爛咗嘅鐵圈（爆）
另外都順便換左粗一度既wire，
因為佢想下次覆診就上彈弓喇（但嗰隻未齊嘅牙距離歸位仲有一段距離…）。
又係放相時間：
(見到兩隻犬齒無咁突出黎，個嘴唇無咁爆喇)
(下排2隻門牙平左好多, 相中右邊犬齒都無咁爆)
(正面見到犬齒的確移入左, 但同時發現門牙點解細粒左既？)
終於都打到今年啦！哈哈哈！我要快d追到live先得！
今次見醫生有新裝置，就係上排牙多左條好長既彈弓。
好多人見到都會覺得好奇怪，又或者以為我戴緊retainer，
但其實係因為我細個時撞過上排門牙，個牙腳生得唔好+有裂痕，
所以醫生話要special care，先用彈弓將左右兩邊既犬齒移到去小臼齒，
然後前面4隻既門牙就會有多D空位去移動，無咁迫無咁痛。
因為加彈弓關系，所以都換左條粗2度既wire去加力！
另外，下排牙紅圈位置由以往用幼wire輕輕勾住，
今次都改左用返原有既橡筋去綁住主wire喇，
而呢一個行為係令我非常之咁痛苦 (哭哭)
乜都好啦 依家唔使full gear咁箍牙無咁礙眼， 蝦蝦
又到出相既時間：
p.s. 已經見到下棚牙郁緊啦! :)
因為太耐無update我都唔太記得做過d咩黎喇…
都係調校下d線呀, 拉下咁囉… 蝦蝦
我淨係記得每次校完都會覺得好緊，
然後返到屋企食飯時就會有”唉！乃野”既感覺，
因為原來我係完全無力咬食物！欲哭無淚。
另一方面我D同事對我既牙套好好奇
成日叫我E起棚牙俾佢地睇，
然後指住我D牙話：哇！呢隻好似郁左呀！
令我覺得自己好似<變變變生命力>入面既主角咁。
有同事仲問我D橡筋係咪可以揀顏色呀，點解唔揀彩色呀
點解唔一個月轉一次色呀，個季興咩色就用咩色哇好trendy呀!
presentation時仲可以show棚牙俾老闆睇黎緊興呢d色好正！
(本人從事有關設計行業)
唔…我只係知道佢地比我興奮好多，
而唔知我每次個1個鐘lunch break係咁o肯飯有幾痛苦。(本身已經食得慢…)
又係出相既時候：
-BRACES DIARY- 